«Я не за сябе, я за беларускі народ прашу…» Агурбаш папрасіла дапамогі ў Пуціна
Спявачка Анжаліка Агурбаш, выдачы якой патрабуюць беларускія ўлады, вырашыла папрасіць дапамогі ў прэзідэнта Расіі Уладзіміра Пуціна. Тэкст звароту артысткі публікуе News.ru.
«Уладзімір Уладзіміравіч, трэба спыніць тую ступень тэрору і агрэсіі, якая цяпер адбываецца ў дачыненні да беларускага народа. Я не за сябе, я за беларускі народ прашу вас дапамагчы спыніць гэтае беззаконне. Цяпер Беларусь губляе найлепшых прадстаўнікоў нацыі. Яны сядзяць у турме, пад следствам. Гэтая сітуацыя вельмі сур'ёзная, таму што Аляксандр Рыгоравіч на сёння проста губіць Беларусь і губіць беларусаў», — звярнулася да Пуціна Агурбаш.
Раней артыстка заявіла, што нікуды з'язджаць не плануе, бо абсалютна ўпэўненая ў сваёй невінаватасці. Яна лічыць, што два артыкулы, па якіх супраць яе распачалі крымінальную справу, «нікчэмныя» і не маюць да яе ніякага дачынення.
Таксама Агурбаш пацвердзіла, што выходзіла мінулым летам да амбасады Беларусі ў Маскве, калі ў краіне праходзілі мітынгі пасля выбараў. Аднак яна не лічыць, што гэта можна назваць мітынгам: ля будынка амбасады, па яе словах, збіраліся неабыякавыя беларусы, якія жывуць у Маскве.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары