Прэзідэнта Бразіліі Жаіра Балсанару шпіталізавалі пасля больш чым 10 дзён ікаўкі
Жаір Балсанару шпіталізаваны 14 ліпеня з-за хранічнай ікаўкі, якая працягваецца амаль два тыдні, паведамляе Associated Press.
Балсанару знаходзіцца ў вайсковым шпіталі ў горадзе Бразіліа і «пачуваецца добра», распавялі ў офісе прэзідэнта. Ён павінен прабыць пад наглядам дактароў у шпіталі ці дома ад 24 да 48 гадзін.
У апошнія тыдні ў Жаіра Балсанару некалькі разоў узнікалі цяжкасці, калі ён размаўляў, якія ён тлумачыў пастаяннай ікаўкай. Так, 7 ліпеня падчас выступу на радыё ён папрасіў прабачэння перад слухачамі і сказаў, што ікае ўжо пяць дзён: «Я ікаю 24 гадзіны ў суткі».
Ён звязваў гэта з прыёмам некаторых лекаў. 8 ліпеня падчас трансляцыі ў фэйсбуку Балсанару зноў папрасіў прабачэння за ікаўку.
У 2018-м на Балсанару напалі з нажом падчас перадвыбарнай кампаніі. Яго паранілі ў жывот, пашкодзіўшы кішэчнік. Пасля гэтага Балсанару перанёс некалькі аперацый, частка з якіх не звязаная з нападам.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары