Удар па салідарнасці? Цяпер грашовы перавод палітвязням змогуць адпраўляць толькі сваякі
Згодна з абнаўленнямі ў крымінальна-выканаўчым кодэксе (пункт 4 артыкула 85), асуджаныя цяпер могуць атрымліваць грашовыя пераводы ад не сваякоў толькі з дазволу адміністрацыі выпраўленчай установы.
Важна разумець, што гэта тычыцца калоній: чалавеку, які знаходзіцца, напрыклад, у СІЗА да суда ці чакае абскарджвання, усё яшчэ могуць накіроўваць і бандэролі, і пераводы ўсе ахвотныя.
Дадзеныя змены набылі моц у чэрвені, але яшчэ да гэтага некалькі чалавек, што лістуюццца з палітвязнямі, паведамлялі «Нашай Ніве», што асуджаных загадзя папярэдзілі: хутка ў вас забяруць «лішнія» грошы і падтрымку ад «чужых» людзей.
Адпраўленыя ўжо пасля ўступлення змен у сілу пераводы цяпер, вяртаюцца людзям назад.
Што рабіць? Спрабаваць падтрымліваць палітвязняў, як і раней: усё ж прымуць перавод на «атаварку» ці не — вырашае адміністрацыя канкрэтнай установы. Калі пераводы ўсё ж вяртаюцца, выходзіць на сваякоў і блізкіх асуджанага і падтрымліваць вязняў праз іх.
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі13
Каментары