Талібы сфарміруюць раду з 12 чалавек для кіравання Афганістанам. Пасада прэзідэнта не прадугледжаная
Лідары руху «Талібан» сфарміруюць раду з 12 чалавек для кіравання Афганістанам, паведамілі крыніцы часопіса Foreign Policy.

Па інфармацыі выдання, трыма найбольш уплывовымі людзьмі ў савеце стануць:
мула Абдул Гані Барадар, кіраўнік палітычнага офіса «Талібана» ў Катары;
кіраўнік вайсковай камісіі «Талібана» мула Маулаві Якуб — сын заснавальніка руху мулы Амара;
Халіль Аль-Рахман Хакані — -высокапастаўлены член тэрарыстычнай групоўкі «сетка Хакані».
Талібы не хочуць аднаўляць у Афганістане пасаду прэзідэнта ці якога-небудзь іншага аднаасобнага лідара, але ў той жа час плануюць прапанаваць некаторым членам папярэдняга ўрада месцы ў новай Радзе.
Такім чынам «Талібан» хоча стварыць кіруючы орган, які будзе выглядаць як мага больш інклюзіўным, каб павысіць шанцы на атрыманне прызнання ад міжнароднай супольнасці, піша Foreign Policy.
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца
Каментары