Літва: Толькі 2-3% мігрантаў атрымаюць прытулак, рашэнне па астатніх будзе адмоўнае
На радзіму з Літвы вярнуліся 8 мігрантаў, яшчэ 30 выказалі жаданне. Пра гэта паведаміла ў панядзелак радыёстанцыі LRT дырэктарка Дэпартамента міграцыі Эвеліна Гудзінскайце, піша Delfi.
У часова паселеных у Літве мігрантаў ёсць магчымасць вярнуцца дадому з аплатай іх дарожных выдаткаў, а таксама з атрыманнем дадатковых 300 еўра.
Э. Гудзінскайце лічыць, што паступова колькасць тых, хто хоча вярнуцца на сваю радзіму, будзе расці.
Разам з тым на гэты момант просьбы аб палітычным прытулку атрыманы ад амаль 2 тысяч чалавек.
«Кожнае прашэнне разглядаецца індывідуальна, але калі ацэньваць профілі, прагназую, што каля 2-3% усіх мігрантаў атрымае прытулак, рашэнні па ўсіх астатніх, хутчэй за ўсё, будуць адмоўнымі», — сказала Э. Гудзінскайце.
Сёлета ў Літву незаконна трапілі каля 4,1 тыс. мігрантаў.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары