Байдэн — Зяленскаму: Мы падтрымліваем суверэнітэт Украіны перад тварам расійскай агрэсіі
Прэзідэнт ЗША Джо Байдэн і ўкраінскі лідар Уладзімір Зяленскі правялі перамовы ў Вашынгтоне.
У ходзе сустрэчы ў Белым доме Байдэн запэўніў свайго госця, што Злучаныя Штаты будуць і надалей падтрымліваць тэрытарыяльную цэласнасць Украіны, а таксама працягнуць аказваць Кіеву дапамогу ў гарантаванні бяспекі краіны, піша Бі-бі-сі.
«Злучаныя Штаты па- ранейшаму цвёрда падтрымліваюць суверэнітэт і тэрытарыяльную цэласнасць Украіны перад тварам расійскай агрэсіі», — заявіў прэзідэнт ЗША ў пачатку перамоваў.
Сустрэча лідэраў дзвюх краін працягвалася крыху больш за дзве гадзіны.
Па выніках саміту на сайце Белага дома з'явілася сумесная заява лідараў ЗША і Украіны. Пры гэтым падчас перамоваў і Байдэн і Зяленскі не сталі размаўляць з журналістамі.
Украіна паведаміла аб планах правесці судовую рэформу, а таксама рэфармаваць сферы абароны і бяспекі. Таксама Кіеў заявіў аб планах узмацніць барацьбу з карупцыяй у краіне. ЗША будуць падтрымліваць рэформы.
Вашынгтон і Кіеў таксама заявілі, што працягваюць выступаць супраць увядзення «Паўночнага патоку — 2», ЗША працягнуць прыкладаць намаганні для захавання транзіту газу з Расіі праз Украіну.
Цяпер чытаюць
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі25
Той самы беларус, які ў Польшчы прыйшоў з пашпартам Новай Беларусі мяняць ВНЖ, расказаў новыя падрабязнасці сваёй гісторыі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары