«ГУБАЗіК трохі перабольшыў». Юрыст каментуе новую пастанову пра экстрэмізм
13 кастрычніка ГУБАЗіК пачаў палохаць: выйдзе новая пастанова Саўміна і падпісчыкі экстрэмісцкіх тэлеграм-каналаў і чатаў будуць лічыцца ўдзельнікамі экстрэмісцкага фарміравання. Ім будзе пагражаць крымінальная адказнасць па артыкуле 361-1 КК. На наступны дзень дакумент нарэшце афіцыйна апублікавалі. «Наша Ніва» спытала ў юрыста, што важнага змянілася і ці сапраўды цяпер падпіска на «не той канал» пагражае калоніяй?
«У крымінальным праве большасці краін — у тым ліку і Беларусі — ёсць такое важнае правіла, што злачынства можа вызначацца толькі Крымінальным кодэксам. Адпаведна, мне ад пачатку было сумнеўна, што пастанова Савета міністраў можа ўнесці нейкія новыя правілы ў парадак прыцягнення грамадзян да крымінальнай адказнасці, — кажа юрыст Андрэй Мачалаў. —
Я праглядзеў дакумент, і стала зразумела, што ў ім няма нормаў, якія б вызначалі крымінальную адказнасць. Больш за тое, у дакуменце няма нічога такога, што б дало магчымасць ГУБАЗіКу прыцягваць удзельнікаў чатаў да крымінальнай адказнасці за ўдзел у экстрэмісцкім фарміраванні.
Як гэта звычайна і бывае ў пастановах Савета міністраў, якія прымаюцца ў працяг закона, гэтая пастанова мае працэсуальны характар, то-бок вызначае парадак працы і ўзаемадзеяння дзяржорганаў.
Адпаведна, выглядае, што ГУБАЗіК трохі перабольшыў, як гэта было неаднаразова за мінулы год».
Але ж у пастанове ёсць радок, з якога вынікае, што КДБ і МУС цяпер могуць прызнаваць «экстрэмісцкімі» адразу «фарміраванні» — групы людзей, якія, на думку органаў, нечым звязаныя, і з'яўляюцца «экстрэмісцкімі».
Мачалаў тлумачыць, што нічога не змянілася.
«Так, КДБ і МУС прызнаюць нейкія суполкі экстрэмісцкімі, калі нехта не згодны, такое рашэнне прапануецца абскарджваць ва ўстаноўленым парадку.
Але ж раней гэта таксама было. Матэрыялы прызнаваліся экстрэмісцкімі толькі ў судзе, а экстрэмісцкія фарміраванні маглі вызначаць і КДБ, і МУС.
Гэта прапісана ў законе аб барацьбе з экстрэмізмам, і гэта пастанова ніякіх новых правіл у гэтым плане не дадае. Ніякіх радыкальных змен новая пастанова Савета міністраў не ўнесла», — тлумачыць юрыст.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары