У Іспаніі прайшоў першы чэмпіянат свету па гульні з паветраным шарыкам: трэба як мага даўжэй утрымаць яго ў паветры
14 кастрычніка ў іспанскім горадзе Тарагона адбыўся першы чэмпіянат свету па гульні з паветраным шарыкам — Balloon World Cup. Пра гэта піша «Бі-бі-сі». Першым пераможцам спаборніцтваў стаў перуанец.
Фінальны матч паміж Перу і Германіяй:
Турнір праходзіў на корце памерам 8 на 8 метраў, а ў яго цэнтры паставілі аўтамабіль, канапы і іншыя прадметы, якія перашкаджалі гульцам. Адзінае правіла гульні — утрымаць шарык у паветры як мага даўжэй і не перашкаджаць свайму суперніку. Гулец атрымлівае пункт, калі іншы спартсмен не паспявае адбіць шарык і ён кранаецца падлогі.
У фінале перуанец Франчэска дэ ла Крус перамог немца Яна Спіса з лікам 6:2.
Сам чэмпіянат свету па гульні ў паветраны шарык натхнёны не толькі дзіцячай гульнёй, але і віруснымі відэа з ціктоку братоў Антоніа і Дыега Арэдонда з Арэгона. Падчас каранціну іх ролікі сталі віруснымі ў сацсетках.
Чэмпіянат свету арганізаваў абаронца «Барселоны» Жэрар Піке і кіберспартыўны каментатар і блогер Ібай Льянас. Ціктокераў заўважыў Льянас і прапанаваў Піке арганізаваць і праінвеставаць турнір. У Balloon World Cup сустрэліся прадстаўнікі з 32 краін — у тым ліку і браты Арэдонда, яны выступалі за ЗША.
Цяпер чытаюць
Доктара сацыялагічных навук і супрацоўніцу Акадэміі навук асудзілі за «фінансаванне экстрэмізму»1
Доктара сацыялагічных навук і супрацоўніцу Акадэміі навук асудзілі за «фінансаванне экстрэмізму»
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары