Арына Сабаленка трапіла ў скандал з-за дзіўнага стаўлення да выйгранага трафея ВІДЭА
Тэнісістка Арына Сабаленка апынулася ў цэнтры скандалу пасля паразы ў фінале Australian Open-2025 ад амерыканкі Мэдысан Кіз. Паводзіны спартсменкі і яе каманды выклікала хвалю абурэння сярод заўзятараў і тэніснай супольнасці.
Пасля заканчэння матчу ў сацыяльных сетках распаўсюдзілася відэа, на якім відаць, як Сабаленка нядбайна паклала трафей фіналісткі перад нагамі, а затым паказала неадназначны жэст і засмяялася.
Аднак найбольшае абурэнне выклікалі паводзіны членаў яе каманды, якія прадэманстравалі над узнагародай за другое месца туалетную працэдуру. Акрамя самой Арыны, у гэтым удзельнічалі яе хлопец Георгас Франгуліс і фітнэс-трэнер Джэйсан Стэйсі.
«Такое стаўленне да трафея недапушчальнае! Фінал турніру Вялікага шлема — гэта велізарны гонар, і падобныя дзеянні абражаюць тэніс як спорт», — такімі і падобнымі каментарамі поўняцца сацсеткі.
Многія прыхільнікі тэнісу лічаць, што за падобныя паводзіны Сабаленка і яе каманда павінны панесці пакаранне, аж да часовай дыскваліфікацыі. Некаторыя заклікаюць кіраўніцтва турніру і WTA разгледзець пытанне пра санкцыі ў дачыненні да спартсменкі.
Сама тэнісістка пакуль не давала афіцыйных каментароў з нагоды таго, што здарылася. Прадстаўнікі турніру таксама пакуль устрымліваюцца ад заяў, аднак чакаецца, што ў найбліжэйшы час адносна інцыдэнту з'явіцца афіцыйная рэакцыя арганізатараў Australian Open.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары