Мядзведзі ў Бярэзінскім запаведніку спяць і не здагадваюцца пра анамальную зіму
Бурыя мядзведзі ў Бярэзінскім запаведніку, нягледзячы на анамальна цёплую зіму, спакойна спяць у сваіх бярлогах, пра гэта паведаміў «Спутніку» старшы навуковы супрацоўнік Аляксандр Рак.
Фота: БелТА
З канца снежня ў Беларусі ўсталявалася незвычайна цёплае надвор'е: амаль няма снегу, у студзені ў асобныя дні тэмпература паветра складала +3..+9°C.
«Спяць мядзведзі, а што ім можа перашкодзіць. Нягледзячы на такую анамальна цёплую зіму, яны заляглі ў бярлогі і спяць спакойна», — распавёў Рак.
Паводле яго слоў, часам некаторыя жывёлы могуць падымацца з бярлогі на кароткі час.
Гэта адбываецца падчас адлігі, калі бярлога прамакае. У такіх выпадках мядзведзі перакладаюцца ў іншае, больш сухое месца.
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею5
Каментары