Вынеслі прысуд экс-дырэктару баранавіцкага завода, які спрабаваў змыць хабар у прыбіральні. Тэрмін вас здзівіць
Кропку ў справе аб атрыманні хабару ў буйным памеры ў дачыненні да былога кіраўніка завода і начальніка бюро камерцыйнага аддзела прадпрыемства паставілі 1 лістапада. Абвінавачаных прызналі вінаватымі, але ні адзін з іх з выстаўленымі абвінавачваннямі не згодны, піша Intex-Press.
Карупцыйны скандал на адным з найбуйнейшых баранавіцкіх прадпрыемстваў выбухнуў вясной гэтага года. 1 сакавіка дырэктара Баранавіцкага станкабудаўнічага завода (філіял ЗАТ «Атлант») і начальніка бюро камерцыйнага аддзела прадпрыемства злавілі з доказамі злачынства падчас атрымання хабараў ад прадстаўніка чэлябінскай фірмы.
Заспеты знянацку экс-кіраўнік завода зачыніўся ад праваахоўнікаў у прыбіральні і паспрабаваў змыць грошы ва ўнітаз, аднак пазбавіцца ад хабару ён так і не паспеў.
Распачалі крымінальныя справы па ч. 3 арт. 430 («Атрыманне хабару ў буйным памеры»).
Следства высветліла, што мужчыны рэгулярна атрымлівалі хабары, іх агульная сума склала каля 470 тысяч рублёў.
Аднак ні адзін з абвінавачаных сваю віну на судзе не прызнаў.
Экс-кіраўнік бюро камерцыйнага аддзела прадпрыемства і зусім заявіў, што грошы, якія праваахоўнікі назвалі хабарам, ён пазычыў. На помнік.
Вердыкт суда па гэтай гучнай справе абвясцілі 1 лістапада. Суд прызнаў абвінавачаных вінаватымі ў атрыманні хабараў у буйным памеры і прызначыў ім пакаранне: былому дырэктару — 12 гадоў калоніі ўзмоцненага рэжыму са штрафам 5000 базавых велічынь, яго змоўшчыку — 9 гадоў калоніі ўзмоцненага рэжыму са штрафам у памеры 3000 базавых велічынь. Грамадзянскі пазоў аб кампенсацыі шкоды дзяржаве таксама будзе задаволены ў поўным аб'ёме.
Прысуд у законную сілу не ўступіў і можа быць абскарджаны.
Цяпер чытаюць
Беларускага Сінюю Бараду адпусцілі з расійскай турмы паміраць дома2
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары