Юрыста, прадстаўніка штаба Віктара Бабарыкі, Максіма Знака ўчора ўвечары адправілі ў калонію. Пра гэта паведаміў у Фэйсбуку яго бацька.
Пакуль невядома, у якую менавіта калонію накіравалі Максіма.
Раней ён пісаў з СІЗА, што гатовы да этапу.
Максім Знак быў затрыманы 9 верасня 2020 года. 6 верасня 2021 года Мінскі абласны суд прысудзіў яго і прадстаніцу штаба Марыю Калеснікаву да 10 і 11 гадоў калоніі адпаведна.
Іх прызналі вінаватымі ў здзяйсненні злачынстваў, прадугледжаных ч. 1 арт. 357 (змова з мэтай захопу ўлады), ч. 3 арт. 361 (заклікі да дзеянняў, накіраваных на прычыненне шкоды нацыянальнай бяспецы), ч. 1 арт. 361-1 (стварэнне экстрэмісцкага фармавання) Крымінальнага кодэкса Беларусі.
24 снежня Вярхоўны суд пакінуў у сіле прысуд.
Хутчэй за ўсё, найбліжэйшымі днямі адправіцца ў калонію і Марыя Калеснікава.
Каментары