Прэзідэнт Літвы прапануе адмяніць надзвычайнае становішча на мяжы з Беларуссю
Прэзідэнт Літвы Гітанас Наўседа прапануе адмяніць уведзенае з-за міграцыйнага крызісу на мяжы з Беларуссю надзвычайнае становішча, піша Delfi.
«Я мяркую, што ў такой сітуацыі, якая склалася цяпер, было б мэтазгодна абмяркоўваць адмену надзвычайнага становішча, бо гэта моцны інструмент, які мы павінны выкарыстоўваць у асаблівых абставінах», — раніцай у аўторак сказаў Наўседа ў інтэрв'ю радыёстанцыі Ziniu radijas. Ён таксама заявіў, што «праблема з мігрантамі цяпер ужо вырашаная», а пры ўскладненні сітуацыі надзвычайнае становішча можна ўвесці зноў.
«Цяпер мы можам адмяніць гэтае становішча і пачаць працу па змене Канстытуцыі, паколькі ў падвешаным становішчы пытанне аб прамых выбарах мэраў, і мы вінныя нашаму грамадству і самакіраванням вырашэнне гэтага пытання, і яно павінна быць вырашанае як мага хутчэй», — падкрэсліў кіраўнік краіны.
З-за надзвычайнага становішча на мяжы з Беларуссю ў Сейме затрымліваюцца папраўкі да Канстытуцыі аб прамых выбарах мэраў. Згодна з Канстытуцыяй Літвы, падчас надзвычайнага становішча або ў ваенны час папраўкі ў Канстытуцыю ўносіцца не могуць. Канстытуцыйны суд Літвы ў красавіку абвясціў, што прамыя выбары мэраў немагчымыя без паправак да Канстытуцыі. Гэтая пастанова набудзе моц 3 мая 2023 года, калі завершацца тэрміны паўнамоцтваў абраных мэраў.
Палітыкі хочуць як мага хутчэй прыняць папраўкі ў Канстытуцыю, каб затым можна было мяняць законы.
Надзвычайнае становішча на мяжы з Беларуссю было ўведзенае 10 лістапада і пазней падоўжанае да 14 студзеня. Нелегальна перайшлі мяжу Літвы з Беларуссю сёлета звыш 4,2 тысячы мігрантаў, большасць з іх — іракцы.
Таксама з патокамі нелегальнай міграцыі сутыкаюцца Польшча і Латвія. Службовыя асобы Літвы называюць гэта гібрыднай агрэсіяй беларускага рэжыму. З-за гэтых падзей у краіне аб'яўленая экстрэмальная сітуацыя.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары