Плошчу ў самым цэнтры Мінска збіраюцца назваць ў гонар уладыкі Філарэта
Плошча ля Мінскага кафедральнага сабора ў найбліжэйшы час можа атрымаць назву ў гонар уладыкі Філарэта. Непадалёк яму паставяць помнік.
Пра гэта кіраўнік БПЦ Веніямін распавёў у эфіры СТБ.
«Ля Мінскага кафедральнага сабора ідзе падрыхтоўка, у найбліжэйшы час мы спадзяемся, што плошча, якая прылягае да кафедральнага сабора, таксама атрымае назву ў гонар уладыкі Філарэта. Акрамя таго, цяпер рыхтуецца да ўстаноўкі помнік Уладыку — гэта таксама каля Кафедральнага сабора, там, дзе ён пачынаў як кіруючы архіерэй сваё служэнне і ўздоўж таго праходу, па якім ён звычайна накіроўваўся ў сабор. У многіх нашых гарадах, асабліва кафедральных, будуць і ўжо ўстаноўленыя памятныя дошкі аб тым, што уладыка Філарэт наведваў гэты храм або заклаў тую ці іншую царкву», — адзначыў мітрапаліт Веніямін.
Учора споўніўся роўна год са дня смерці мітрапаліта Філарэта.
Ён кіраваў Беларускай праваслаўнай царквой фактычна з 1978 года, калі быў прызначаны мітрапалітам Мінскім і Беларускім. У 1989-м ён стаў мітрапалітам Мінскім і Гродзенскім, Патрыяршым Экзархам усёй Беларусі.
Пры ім у Беларусі былі адроджаныя ўсе епархіі, аднавілі дзейнасць мужчынскія і жаночыя манастыры, брацтвы і сястрынствы, Мінская духоўная семінарыя, былі заснаваныя Мінская духоўная акадэмія, духоўнае вучылішча, школа катэхізатараў.
«Няхай ён стане новым заступнікам Беларусі»: Кандрусевіч параўнаў мітрапаліта Філарэта з Віфлеемскай зоркай, што заззяла над краінай у 1978-м
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары