АМАП, САХР і ўнутраныя войскі праводзяць вучэнні, каб не было як у Казахстане
На працягу гэтага тыдня МУС Беларусі праводзіць комплексныя вучэнні з удзелам падраздзяленняў АМАП, САХР, злучэнняў і часцей унутраных войскаў.
Паводле паведамлення МУС:
«Плануецца адпрацаваць пытанні забеспячэння аховы грамадскага парадку, спынення масавых беспарадкаў, а таксама пытанні і тактычныя дзеянні па ліквідацыі груп тэрарыстаў, экстрэмісцкіх груповак і ўзброеных злачынцаў».
Пры гэтым непасрэдная сувязь вучэнняў з падзеямі ў Казахстане не адмаўляецца, а падкрэсліваецца:
«Падзеі ў Казахстане, якія суправаджаліся масавымі беспарадкамі, нападам і захопам дзяржаўных устаноў, у тым ліку ваенных аб'ектаў, пацвердзілі неабходнасць адпрацоўкі розных сцэнарыяў развіцця сітуацый».
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары