Лідэр Руху за Свабоду Аляксандр Мілінкевіч запатрабаваў адстаўкі прэм’ер‑міністра Сяргея Сідорскага. Цяпер найбліжэйшым часам старшыні Саўміна, здаецца, няма пра што турбавацца.
Лідэр Руху за Свабоду Аляксадр Мілінкевіч запатрабаваў адстаўкі прэм’ер‑міністра Сяргея Сідорскага. Цяпер у найбліжэйшы час старшыні Саўміна, здаецца, няма пра што турбавацца.
У інтэрв’ю інтэрнет‑выданню «Мы» Аляксандр Мілінкевіч заявіў, што апошнія падзеі, звязаныя з прыняццем і хуткай адменай пастановы Савета міністраў №991, прадэманстравалі некампетэнтнасць беларускага ўраду.
На думку экс‑кандыдата ў прэзідэнты, улады чарговы раз прадэманстравалі сваю бездапаможнасць у барацьбе з эканамічным крызісам. Мілінкевіч мяркуе, што неабходна сфармаваць новы ўрад, здольны правесці ў краіне эканамічныя рэформы.
Калі ў Лукашэнкі і быў намер адправіць Сяргея Сідорскага ў адстаўку, то цяпер кіраўнік дзяржавы гэтага напэўна не зробіць, каб гэта не выглядала, што ён быццам прыслухаўся да патрабаванняў апазіцыі.
Так што, на бліжэйшыя тыдні (а то і месяцы) Сідорскі атрымаў імунітэт ад звальнення. На наш погляд, за такую паслугу, прэм’ер‑міністр, як мінімум, павінен праставіць Аляксандру Мілінкевічу скрыню добрага каньяка.
Зрэшты, кіраўнік Руху за Свабоду таксама не застаўся ні з чым. Трэба меркаваць, у сённяшняй сітуацыі заява пра адстаўку Сяргея Сідорскага дадала Аляксандру Мілінкевічу балаў у вачах выбарцаў.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары