Сёння ў Мінску спыняліся тралейбусы. «Мінсктранс» патлумачыў, чаму
У «Мінсктрансе» патлумачылі, чаму ў другой палове дня 25 студзеня ў Мінску часткова спыняўся рух тралейбусаў. Віной усяму нібыта кароткія замыканні з-за пароў солі з антыгалалёднага рэагента.
«З-за прабоя ізаляцыі на спецчастках кантактнай сеткі адбываецца кароткае замыканне, — сказаў прадстаўнік «Мінсктранса» Віктар Дамарад. — Гэта наступства асядання пароў солі з-за багатага пасыпання праезнай часткі антыгалалёдным рэагентам».
Праблемы ўзніклі ў аўторак на праспекце Дзяржынскага, дзе была пашкоджаная кантактная сетка і спыняліся тралейбусы. Каля станцыі метро «Пятроўшчына» іскрыліся тралейбусныя драты. Рух там быў адноўлены толькі да 21-й гадзіны.
З-за адключэння напружання на кантактнай сетцы тралейбусы спыняліся і ў іншых раёнах сталіцы. У 21:37 гэта адбылося на Арлоўскай вуліцы і праспекце Пушкіна (у абодвух кірунках).
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары