Расійскія вайскоўцы, што прыбылі ў Беларусь на вучэнні, разгортваюць пункты рэагавання
Падраздзяленні Усходняй вайсковай акругі пачалі разгортванне ў Беларусі рухомых палявых пунктаў кіравання на палігонах у рамках правядзення праверкі сіл рэагавання Саюзнай дзяржавы, паведамілі ў панядзелак у Мінабароны РФ.
«Падраздзяленні Усходняй вайсковай акругі, перадыслакаваныя ў Рэспубліку Беларусь у рамках правядзення праверкі сіл рэагавання Саюзнай дзяржавы, прыступілі да разгортвання рухомых палявых пунктаў кіравання на палігонах. Спецыялістамі войскаў сувязі арганізаваная адзіная сістэма кіравання войскамі», — гаворыцца ў паведамленні.
У сістэму кіравання ўвайшлі пункты кіравання, якія знаходзяцца на палігонах.
У Мінабароны РФ паведамілі, што абарону ад паветранага нападу ўмоўнага праціўніка забяспечваюць падраздзяленні СПА.
Вучэнні пройдуць з 10 па 20 лютага.
Каментары