«Хочам мірна вырашыць канфлікт»: Нямеччына паўтарыла адмову пастаўляць зброю Украіне
Міністр абароны Нямеччыны Крысціна Ламбрэхт чарговым разам паўтарыла адмову пастаўляць зброю Украіне на фоне магчымага ўварвання Расіі. Берлін выступае за мірны шлях вырашэння канфлікту, паведамляе РБК-Украіна.
«У федэральнага ўрада ўжо даўно ёсць выразная пазіцыя — нават у папярэднія заканадаўчыя перыяды — мы не дастаўлялі зброю ў крызісныя зоны, каб не дапусціць там далейшай эскалацыі», - заявіла Ламбрэхт.
Паводле яе слоў, на сёння працягваецца дыялог па мірным урэгуляванні.
«Ва ўкраінскім канфлікце ў нас ёсць партнёры па перамовах, якія вярнуліся за стол перамоваў — напрыклад, у Радзе Расія — НАТА і ў нармандскім фармаце. Вось чаму цяпер наша задача — знізіць эскалацыю. Мы хочам вырашыць гэты канфлікт мірным шляхам», - дадала міністр абароны.
Раней паведамлялася, што пасольства Украіны накіравала афіцыйны ліст ураду Нямеччыны, у якім просіць даць абарончае ўзбраенне. Гаворка ідзе пра боепрыпасы для супрацьпаветранай і супрацьракетнай абароны, а таксама для кулямётаў.
Таксама стала вядома, што Ізраіль забараніў краінам Балтыі даць Украіне ўзбраенне ізраільскай вытворчасці.
Чытайце таксама:
«Вашынгтон пост» паведаміла аб сцягванні 70% «сіл уварвання» Расіі да межаў Украіны
Давід і Галіяф: параўноўваем сілы расійскай і ўкраінскай армій
Міністр абароны Латвіі: Палітыка Германіі ў дачыненні да Расіі не ўпісваецца ў наш час
Немцы не будуць дапамагаць украінцам зброяй. Дапамогуць толькі лячыць параненых
Жонка Галыгіна адсвяткавала пад Мінскам дзень нараджэння ў рускім стылі — у какошніку і з тортам-матрошкай ШМАТ ФОТА21
Каментары