«Немагчыма даехаць на працу, няма аўтобусаў…» Кавід паралізаваў працу грамадскага транспарту ў Светлагорску
У апошнія дні ў Светлагорску прыкметна пагоршылася сітуацыя з пасажырскім транспартам, паведамляе «Ранак». З-за таго, што кіроўцы хварэюць на кавід, у горадзе адмяняюць рэйсы аўтобусаў. Людзі не могуць патрапіць на працу.
У першую чаргу на праблему скардзяцца работнікі горадаўтваральных прадпрыемстваў — Светлагорскага цэлюлозна-кардоннага камбіната і «СветлагорскХімвалакно». Іх водгукі прыводзіць выданне.
«Добрай раніцы! У нас узнікла пытанне наконт транспарту: немагчыма даехаць на працу, няма аўтобусаў. Людзям даводзіцца ехаць на таксі. ДАПАМАЖЫЦЕ ВЫРАШЫЦЬ ПЫТАННЕ З ТРАНСПАРТАМ!!!»
«Гэта дакладна, трэба вырашаць гэтае пытанне. З Прывакзальнай ні да 8 ні да 16 няма ніводнага аўтобуса!!!»
«Я ў цэнтры жыву і гэтак жа не магу даехаць да працы!!!»
«SOS!!! Адміністрацыя завода, пераканаўчая просьба, прыміце меры! Колькі можна падымаць адно і тое ж пытанне! У выхадны прыйшлося ехаць на таксі!»
«Добры дзень! Немагчыма дабрацца дадому з другіх змен, людзі ходзяць з вакзала пешшу да старога аэрадрома ў гадзіну ночы».
Прадстаўнік адміністрацыі прадпрыемства адказаў работнікам, што «лягчэй не будзе ў бліжэйшыя дні»:
«У аўтапарку працуюць такія ж людзі, як і мы.
Сёння выйшла на працу толькі 30 працэнтаў вадзіцеляў аўтапарка.
Усё, што зможа аўтапарк, ‒ зрабіць прыпынкі ўсім аўтобусам, якія праходзяць міма ЦКК.
Нам давядзецца ў бліжэйшы час дабірацца на працу і з працы ўсімі даступнымі сродкамі, у тым ліку і на таксі.
Усім жадаем цярпення і разлічваем на разуменне сітуацыі, якая склалася. Акрамя гэтага, нагадваем, што нам неабходна таксама не спыніць нашу вытворчасць.
Прадстаўнік адміністрацыі параіў «строга выконваць масачны рэжым, сацыяльную дыстанцыю, санітарныя нормы ў дачыненні да сябе і памяшканняў, дзе вы працуеце».
У аўтапарку сітуацыю не пракаментавалі. Мо і не было каму.
Чаму так рэзка вырасла колькасць выпадкаў каранавіруса? Вось што адказалі ў Мінздароўя
«Хто мне дасць бальнічны з тэмпературай 37?» Расказваем, як працуюць беларусы ў разгар «амікрона»
«Кладзём людзей на падстаўныя ложкі ў палаты, у калідоры, на маленькія канапкі». Медыкі — пра сітуацыю з COVID-19 у стацыянары
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак2
Каментары