Супрацоўнікі пасольства ЗША ў Львове будуць начаваць у Польшчы і вяртацца на працу ва Украіну
Супрацоўнікі пасольства ЗША ва Украіне, якія нядаўна пераехалі з Кіева ў Львоў, будуць начаваць у Польшчы. Рашэнне прынятае з меркаванняў бяспекі.
Пра гэта паведамляе «РБК-Украіна» са спасылкай на заяву дзяржсакратара ЗША Энтані Блінкена.
«Нашы калегі, якія нядаўна пераехалі ў Львоў, будуць начаваць у Польшчы. Яны будуць рэгулярна вяртацца для працягу сваёй дыпламатычнай працы ва Украіне і прадастаўлення экстраных консульскіх паслуг», — напісаў Блінкен.
Our colleagues who recently relocated to Lviv will spend the night in Poland. They will regularly return to continue their diplomatic work in Ukraine and provide emergency consular services.
Ён таксама паўтарыў заклік да амерыканцаў неадкладна пакінуць краіну, заявіўшы, што сітуацыя з бяспекай там па-ранейшаму застаецца непрадказальнай, і папярэдзіў, што яна можа пагоршыцца «раптоўна».
«Існуе высокая верагоднасць таго, што любыя расійскія ваенныя аперацыі сур'ёзна абмяжуюць камерцыйныя паветраныя перавозкі. Расійскія войскі працягваюць набліжацца да мяжы, што падобна на планаванне ўварвання, якое можа адбыцца ў любы момант», — дадаў Блінкен.
Каментары