Усе іпастасі ўраджэнца заходнебеларускага мястэчка, цяперашняга прэзідэнта Ізраілю Шымона Пэрэса цяжка пералічыць. Палітык, дыпламат, лаўрэат Нобелеўскай прэміі міру… І вось цяпер уцялеснілася яшчэ адна: паэт-песеннік.
Усе іпастасі ўраджэнца заходнебеларускага мястэчка, цяперашняга прэзідэнта Ізраілю Шымона Пэрэса цяжка пералічыць. Палітык, дыпламат, лаўрэат Нобелеўскай прэміі міру… І вось цяпер уцялеснілася яшчэ адна: паэт-песеннік.
Пасля 60 гадоў працы на грамадскай ніве выяўлецца, што Пэрэс піша тэксты, частка з якіх перакладаецца на музыку.
Усё высветлілася 16 жніўня, калі ў тэль-авіўскім амфітэатры «Доган» сабраліся запрошаныя госці і зоркі ізраільскай сцэны, каб, святкуючы 86-ы дзень народзінаў прэзідэнта, выканаць песні на яго словы ў сучаснай поп-апрацоўцы.
Да таго ж Пэрэсу ўручылі ганаровую грамату прафесійнай саюза творцаў. Расчулены, Пэрэс сказаў, што канцэрт і грамата — найлепшы прэзент, які ён атрымаў на дзень нараджэння.
Не асабліва афішуючы аўтара, упершыню песню на словы Пэрэса выканала дзіва ізраільскай эстрады Яфы Ярконі яшчэ ў далёкім 1974 г. (Пэрэс тады быў міністрам абароны). Самая ж вядомая з прэзідэнцкіх песняў: «У Тэль-Авіве я быў падлеткам», што распавядае пра хлопца-правінцыяла, які ўпершыню трапляе ў «Белы горад». Нагадаем, у рэчаіснасці Пэрэс пераехаў у Тэль-Авіў з мястэчка Вішнева (цяпер вёска ў Валожынскім раёне), пражыўшы там першыя 12 гадоў свайго жыцця. Іўрыт Шымон пачаў вучыць яшчэ ў Беларусі ад свайго дзеда рабіна Цві Мельцэра, а таксама ад выпусніка валожынскай ешывы, нацыянальнага габрэйскага паэта Хаіма Нахмана Б'яліка, старанна штудуючы яго творы.
Як адзначае ізраільская крытыка вершы Пэрэса «дасціпныя і вытанчана-цнатлівыя».
Сёлета нават мае выйсці асобная кружэлка з песнямі на словы ізраільскага прэзідэнта. Адна з меркаваных назваў альбому - «Паседжанне ўраду». Як жартуе газета «Га-арэц», частка з песняў альбому, пэўна, была напісаная падчас такіх паседжанняў.
Цікава, калі б Шымон Пэрэс застаўся ў Беларусі, для каго з выканаўцаў беларускай эстрады ён пісаў бы сёння тэксты?
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі10
Каментары