У Музеі Вольнай Беларусі пакажуць 19 арыгінальных літаграфій Напалеона Орды
У суботу, 28 лютага, а 12.00 у Музеі Вольнай Беларусі (Warszawa, Foksal 11) адкрываецца выстава «Беларусь Напалеона Орды».
Наведнікаў чакаюць 19 арыгінальных літаграфій з калекцыі ініцыятывы Maldzis, прысвечаных беларускім краявідам і помнікам дойлідства.
Гэта замкі, касцёлы, сядзібы, якія Напалеон Орда паспеў зафіксаваць раней, чым іх змянілі ці знішчылі войны і час. Гэта Нясвіж і Мір, Крэва і Наваградак, Ліда, Камянец, Гомель — амаль два дзясяткі гарадоў, мястэчак і вёсак той Беларусі, якой ужо няма, але якую можна ўбачыць.
Падчас адкрыцця з прывітальным словам выступяць заснавальнікі ініцыятывы Maldzis Рыгор Астапеня і Павел Мацукевіч, а таксама запланаваная экскурсія па выставе з мастацтвазнаўцам Дзмітрыем Салодкім.
Выстава працягнецца да 8 сакавіка.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары