У Барысаве адкрылі «разумную» аўтамыйню. Яе фішка — у незвычайнай прыбіральні
У Барысаве з’явілася аўтамыйня самаабслугоўвання, якая за некалькі дзён стала славутасцю ў сацыяльных сетках. Магчыма, у Беларусі такой больш няма.
Галоўная разынка новай мыйкі — гэта тое, што санвузел тут з цалкам празрыстымі шклянымі сценамі. Звонку гэта ўражвае: празрыстая кабінка пасярод вуліцы.
Аднак сакрэт крыецца ў выкарыстанні «разумнага» шкла: як толькі наведвальнік зойдзе ўнутр і замкне дзверы — шкло цямнее.
У тыктоку з’явілася відэа з новай аўтамыйні, дзе блогер паказаў, як гэта працуе.
«Вуліцу бачыце? Я зачыняю — та-дам! Я адчыняю — та-дам!» — захапляецца блогер, паказваючы, як сцяна то адкрывае від на паркоўку, то цалкам хавае.
Каментатары жартуюць пра магчымыя факапы.
Галоўная боязь — «не забыцца замкнуцца».
Таксама гараджане хвалююцца, ці не стане туалет раптам празрыстым, калі адключаць святло і тады «ваш паход убачыць увесь Барысаў».
А некаторыя прагназуюць кароткі век навінцы: «Нашы паламаюць хутка… будзе бачна пастаянна».
Цяпер чытаюць
Памёр паэт Уладзімір Карызна, аўтар слоў да цяперашняга дзяржаўнага гімна Беларусі5
Каментары