Міністр абароны ЗША: Расія істотна не зменіць ход вайны гіпергукавымі ракетамі
Міністр абароны ЗША Ллойд Осцін мяркуе, што ўжыванне Расіяй гіпергукавых ракет істотнай ролі ў вайне супраць Украіны не іграе.
Осцін дадаў, што расійскія войскі затрымаліся на сваіх пазіцыях і не могуць прасунуцца далей. Ён адзначыў, што ўкраінскія вайскоўцы эфектыўна ўжываюць віды ўзбраення, дадзеныя ім заходнімі партнёрамі.
Па словах Ллойда Осціна, праблема з расійскімі войскамі — у першую чаргу ў дрэнным кіраўніцтве. «Салдаты не матываваныя», сказаў Осцін у інтэрв'ю CNN. Армія Крамля паспяхова мадэрнізавалася ў апошнія гады, але яна «дрэнна кіраваная».
Са слоў Осціна, «няма нічога горш для арганізацыі, чым дрэннае кіраўніцтва, і гэта менавіта тое, што тут паказваюць расіяне».
У многіх месцах, напрыклад, на фронце ў Кіеве, расійская армія цяпер вымушаная абараняцца. Для гэтай мэты лагістыка арміі не будзе функцыянаваць, паколькі патрэбна вайна іншага маштабу. «Расейская армія цяпер неверагодна ўразлівая», — сказаў Осцін.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары