Расія перадыслакуе каля 20% сваіх войскаў з-пад Кіева. Пра гэта паведаміў падчас брыфінгу 30 сакавіка прэс-сакратар Пентагона Джон Кірбі.
У Пентагоне адзначылі, што на працягу мінулых сутак невялікі працэнт расійскіх войскаў пад Кіевам пакінуў свае пазіцыі.
Нагадаем, пасля перамоваў у Стамбуле, расійскі бок заявіў, што скарачае ваенную актыўнасць на Кіеўскім і Чарнігаўскім напрамку.
«Некаторыя з гэтых войскаў, па нашых ацэнак, перадыслакуюцца ў Беларусь. У нас няма дакладнай колькасці, але ніхто з іх не вярнуўся ў месца пастаяннай дыслакацыі. Калі расіяне сур'ёзна ставяцца да дээскалацыі, як яны гэта называюць, то яны павінны адправіць іх дадому», — сказаў Кірбі.
На думку Пентагона, батальённа-тактычныя групы, якія адышлі з Кіева, папоўняць расійскія сілы на іншых напрамках. Пры гэтым прэс-сакратар ведамства падкрэсліў, што групоўка пад Кіевам застаецца вялікай.
Акрамя таго, неназваны прадстаўнік Мінабароны ЗША паведаміў французскаму агенцтву AFP, што расійскія войскі пачынаюць сыходзіць з тэрыторыі Чарнобыльскай АЭС.
У той жа час украінскі Генштаб сёння заявіў, што расійскія войскі пачалі выкарыстоўваць аэрапорт Брэста для абстрэлаў Украіны. Раней украінскі бок, краіны Захаду і грамадзяне Беларусі фіксавалі выкарыстанне расійскімі войскамі аб’ектаў вайсковай і авіяцыйнай інфраструктуры ды шпіталёў у Лунінцы, Баранавічах, Гомелі, Бабруйску, пад Мінскам, у Калінкавіцкім, Мазырскім, Рэчыцкім, Хойніцкім, Брагінскім і Нараўлянскім раёнах.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Каментары