Сёння адбылася тэлефонная размова міністра замежных спраў Беларусі Уладзіміра Макея з федэральным прэзідэнтам Швейцарыі Іньяцыа Касісам, які адначасова ўзначальвае і знешнепалітычнае ведамства гэтай краіны. Пра гэта паведамляе прэс-служба МЗС.
Паводле лаканічнага паведамлення прэс-службы МЗС, Макей у размове з Касісам акцэнтаваў «нязменныя намаганні па ўрэгуляванні канфлікту ва Украіне шляхам перамоваў, захады па прыёму ўкраінскіх бежанцаў».
Падзяліўся ў Твітары сваімі ўражаннямі пра размову і Іньяцыа Касіс:
«Падчас тэлефоннай размовы з кіраўніком МЗС Беларусі я падкрэсліў тэрміновасць дыпламатычнага рашэння, якое паклала б канец жудаснай вайне ва Украіне. Швейцарыя прапануе сваю дыпламатычную падтрымку. Я вітаю намаганні Беларусі па медыяцыі (расейска-ўкраінскага канфлікту), але глыбока шкадую аб тым, што Беларусь дае сваю тэрыторыю расійскай арміі».
Цікава, што ўчора пасол Швейцарыі ў Беларусі Крысціна Хонэгер-Залатухін сустракалася з іншым высокім беларускім чыноўнікам — старшынёй Палаты прадстаўнікоў Уладзімірам Андрэйчанкам.
З чым звязаная такая актывізацыя ў апошнія дні швейцарскай дыпламатыі на беларускім кірунку, пакуль што сказаць складана. Палітзняволеная швейцарская грамадзянка Наталля Хершэ была вызваленая з беларускай турмы яшчэ ў лютым, неўзабаве пасля таго, як у краіны прыехала швейцарская амбасадарка.
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас11
Каментары