Ва Украіне арыштавалі 51 чыгуначную цыстэрну з дызпалівам з Беларусі
Украіна арыштавала 51 чыгуначную цыстэрну з Беларусі. Пра гэта паведамілі ў Дзяржаўным бюро расследаванняў Украіны.
Гаворка ідзе пра вагоны-цыстэрны, якія перасеклі мяжу з Украінай 23 лютага, за дзень да пачатку вайны. У іх змяшчалася 3 тысячы тонаў дызельнага паліва вытворчасці Беларусі і Расіі.
«Пасля ўварвання яны фактычна забяспечвалі лагістыку расійскіх войскаў, якія наступалі ў напрамку Чарнігаў — Сумы», — гаворыцца ў паведамленні.
Адзначаецца, што частка цыстэрнаў была пашкоджаная ў ходзе баёў у Чарнігаўскай вобласці.
У сувязі з гэтым паведамляюць, што распачатая крымінальная вытворчасць па ч. 1 арт. 437 КК Украіны (планаванне, падрыхтоўка ці развязванне агрэсіўнай вайны або ваеннага канфлікту, а таксама ўдзел у змове, накіраванай на здзяйсненне такіх дзеянняў). У дачыненні да каго, праўда, не ўдакладняецца.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2
Каментары