Міністэрства аховы здароўя не пацвярджае і не абвяргае інфармацыю аб выяўленні свінога грыпу яшчэ ў траіх грамадзян Беларусі.
Міністэрства аховы здароўя не пацвярджае і не абвяргае інфармацыю аб лабараторным пацвярджэнні заражэння вірусам грыпу A/H1N1 (свіны грып) траіх мінчан, якія вярнуліся 22 жніўня з Кіпра.
Адзін з захварэлых паведаміў газеце «Комсомольская правда» в Белоруссии», што ў яго, яго жонкі і сябра захворванне на свіны грып пацвердзілі ў мінскай бальніцы, куды яны самастойна накіраваліся з‑за дрэннага самаадчування проста з аэрапорта пасля прылёту з Кіпра.
Прэс‑сакратар Міністэрства аховы здароўя Вольга Шульпіна заявіла БелаПАН, што не можа «ні пацвердзіць, ні абвергнуць» дадзеную інфармацыю.
Пры гэтым яна абвінаваціла журналістаў у «стварэнні масавага псіхозу» вакол гэтага захворвання. «У нас штотыдзень колькі чалавек у рэспубліцы звяртаюцца па медыцынскую дапамогу з вострымі рэспіраторнымі захворваннямі? Некалькі тысяч.
Мы ж не даем штодзённую інфармацыю аб тым, колькі ў нас у рэспубліцы інфарктаў здарылася. Навошта вы ўзнімаеце ажыятаж вакол гэтага свінога грыпу? Гэта такі ж грып, як і любы іншы сезонны грып, нават пераносіцца лягчэй, лятальнасць ад яго меншая, чым ад звычайнага сезоннага грыпу», — сказала Шульпіна.
Нагадаем, на сённяшні дзень афіцыйна ў Беларусі пацверджаны шэсць выпадкаў заражэння вірусам грыпу A/H1N1 — гэта грамадзянін Кітая, які ўжо выпісаны з бальніцы, і пяцёра дзяцей з Асіповіцкага раёна, якія вярнуліся пасля аздараўлення з Вялікабрытаніі.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы64
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары