Ежа

Рэцэпт на выхадныя. Шведскія фрыкадэлькі ў вяршковым соусе — знакамітая страва скандынаўскай кухні

Гэтую страву любіў Карлсан, яе ж шукаюць у замежных шведскіх рэстаранах тыя, хто ведае гэты ўнікальны смак. Мясныя фрыкадэлькі — перліна шведскай кухні, і сёння мы раскажам, як іх можна прыгатаваць.

Фота: BBC Food

Каб згатаваць шведскія фрыкадэлькі ў вяршковым соусе, вам спатрэбіцца:

  • 1 сталовая лыжка аліўкавага алею,
  • 1 дробна нарэзаная цыбуліна,
  • 1 дробна нарэзаны зубок часнаку,
  • 600 грамаў свінога фаршу,
  • 4 дробна нарэзаныя філе анчоуса (можна замяніць кількай ці ў найгоршым выпадку сялёдкай),
  • 100 грамаў паніровачных сухароў,
  • 1 яйка,
  • 50 мілілітраў малака або вяршкоў з 18% тлушчу,
  • 25 грамаў масла,
  • 25 грамаў мукі,
  • 100 мілілітраў белага віна,
  • 500 мілілітраў ялавічнага булёну,
  • 2 сталовыя лыжкі вяршкоў з 18% тлушчу,
  • 1 сталовая лыжка бруснічнага варэння або жэле з чырвонай парэчкі,
  • палова чайнай лыжкі духмянага перцу,
  • чвэрць чайнай лыжкі мускатнага арэху,
  • соль,
  • свежамолаты чорны перац.
  1. Разагрэйце духоўку да 200 градусаў.
  2. Разагрэйце на патэльні алей і смажце цыбулю, пакуль яна не стане мяккай і празрыстай. Дадайце часнок і тушыце яшчэ хвіліну. Зніміце з агню і пакіньце астываць.
  3. Пакладзіце ў вялікую міску смажаныя лук і часнок, а таксама фарш, філе анчоуса, сухары, яйка, малако, духмяны перац, мускатны арэх, соль і свежамолаты чорны перац (на смак). Старанна перамяшайце рукамі. Сфармуйце з сумесі шарыкі, трохі большыя за грэцкі арэх і вагай каля 40 грамаў, у вас павінна атрымацца каля 24 фрыкадэлек. Пакладзіце іх на бляху і выпякайце 12-15 хвілін да гатоўнасці.
  4. Каб прыгатаваць соус, растапіце масла ў вялікай патэльні — такой, каб туды маглі змясціцца ўсе фрыкадэлькі. Дадайце муку і перамешвайце сумесь 5-10 хвілін на агні, пакуль мука і масла не змяшаюцца і не стануць залаціста-карычневымі. Дадайце белае віно і інтэнсіўна ўсё перамешвайце, пакуль сумесь не стане больш аднароднай. Потым паступова дадайце ў патэльню ўвесь булён, старанна памешвайце сумесь перад дадаваннем кожнай порцыі булёну, каб у ёй не было камячкоў, пакуль падліўка не пачне трохі гусцець. Дадайце вяршкі і варэнне, перамяшайце. Запраўце соллю і перцам.
  5. Дастаньце фрыкадэлькі з духоўкі і пакладзіце ў патэльню з соусам. Тушыце іх 8-10 хвілін, каб водары фрыкадэлек і соусу змяшаліся. Перад падачай пасыпце фрыкадэлькі кропам, пакладзіце каля іх трохі варэння і шмат бульбянога пюрэ.

Рэцэпт на выхадныя. Курыца парма — класіка, пра якую вы яшчэ не ведалі

Як выбраць сыр: які самы карысны, а якога лепей пазбягаць

Каментары

Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі27

Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі

Усе навіны →
Усе навіны

Рыбак патануў у аўтамабілі ў Мазырскім раёне, другі паспеў выбрацца1

Пасажыры будуць ведаць кошт паездкі ў таксі да яе пачатку?2

У Беларусі другі месяц запар падаюць продажы новых аўто. Чаму так адбываецца2

Аляксандр Кныровіч вылучаецца ў спікеры Каардынацыйнай рады10

Зяленскі 15 мая прыляціць у Стамбул, нават калі Расія адмовіцца ад спынення агню1

Паглядзелі, колькі просяць за арэнду лецішча недалёка ад Мінска. Ёсць варыянты ад 250 рублёў за месяц6

Кальцавая лінія мінскага метро будзе з 17 станцый. Якія будуць назвы і калі пачнецца будаўніцтва12

Брышцель стаў найлепшым бамбардзірам ЧС па пляжным футболе, Аўгустоў — галкіперам1

«Гэтая партыя прайграная». Беларускія даследчыкі — пра тое, у што ператварылася Акадэмія навук11

больш чытаных навін
больш лайканых навін

Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі27

Памерла 39-гадовая экс-палітзняволеная Ганна Кандраценка. У калоніі ў яе знайшлі рак, але не вызвалілі

Галоўнае
Усе навіны →

Заўвага:

 

 

 

 

Закрыць Паведаміць