«Інфаспецназаўка» спыніла на ТБ сацыяльную рэкламу супраць гвалту над дзецьмі, бо ролік фінансаваў USAID
«Інфаспецназаўка» Вольга Бондарава звярнулася ў Белтэлекам з патрабаваннем прыбраць сацыяльную рэкламу і адправіла туды калектыўны зварот, бо ў роліку была пазначаная амерыканская арганізацыя USAID, якая і фінансавала яго паказ, піша Hrodna.Life.
Бондарава напісала, што на тэлеканале «Яснае TV» «актыўна дэманструецца рэклама экстрэмісцкай арганізацыі USAID, якая была з ганьбай выгнаная з Беларусі за ўдзел у спробе дзяржаўнага перавароту».
У Белтэлекаме ёй паведамілі, што сацыяльная рэклама, якая заклікала да супрацьдзеяння гвалту над дзецьмі, транслявалася на тэлеканале «ЯСНАе TV» з 2019 года «выключна з мэтай папярэджання і прадухілення выпадкаў гвалту над дзецьмі».
«Улічваючы калектыўны зварот і той факт, што некаторыя міжнародныя сацыяльныя праекты, згаданыя ў рэкламным роліку, закрытыя, трансляцыя гэтай сацыяльнай рэкламы ў эфіры тэлеканала «ЯСНАе TV» спыненая», — напісалі Бондаравай у адказ на зварот.
Нядаўна праз данос аматаркі «рускага свету» Бондаравай у Гродне была закрытая выстава скульптуры.
Цяпер чытаюць
Коўл: Лукашэнка адпусціць 25 чалавек у абмен на санкцыі на «Лакафарбу» і «Беллеспаперпрам»14
Коўл: Лукашэнка адпусціць 25 чалавек у абмен на санкцыі на «Лакафарбу» і «Беллеспаперпрам»
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары