Суд вынес прыгавор грамадзяніну Турцыі, які ў Мінску спрабаваў супакоіць немаўля, а ў выніку забіў яго
Суд Ленінскага раёна Мінска вынес прысуд 48-гадоваму грамадзяніну Турцыі, які два гады таму, спрабуючы супакоіць пяцімесячнае немаўля, забіў яго, а затым выкінуў цела з акна з 11-га паверха на праспекце Ракасоўскага ў Мінску. Пра гэта паведамляе Zerkalo.io са спасылкай на прэс-службу Вярхоўнага суда.
Згодна з матэрыяламі справы, бацькі пяцімесячнага хлопчыка і яго бабуля з сужыцелем у ноч на 8 лютага 2019 года выпівалі ў кампаніі двух знаёмых. Ноччу дзіця стала плакаць і 48-гадовы сужыцель бабулі паспрабаваў яго супакоіць.
Будучы п'яным, ён падкінуў пяцімесячнае дзіця, не змог яго ўтрымаць і выпусціў, хлопчык ударыўся галавой аб цвёрды прадмет. Пасля гэтага мужчына вырашыў аказаць яму першую дапамогу. Ён паспрабаваў зрабіць яму непрамы масаж сэрца, які выліўся ў цяжкія цялесныя пашкоджанні, якія сталі адной з прычын гібелі малога.
Па выніках экспертызы, дзіця памерла ад спалучанай траўмы галавы і цела, якая ўскладнілася развіццём траўматычнага шоку.
Спрабуючы схаваць сляды, мужчына зацягнуў на шыі дзіцяці свой рэмень, абмыў яго ў ваннай, а пасля выкінуў цела з акна кухні на 11-м паверсе.
Мужчыну прызналі вінаватым у прычыненні смерці па неасцярожнасці (ч. 1 арт. 144). Суд вынес прысуд — тры гады папраўчай калоніі агульнага рэжыму.
Прысуд не ўступіў у законную сілу і можа быць абскарджаны і апратэставаны ва ўстаноўленым заканадаўствам парадку.
Трагедыя адбылася 8 лютага 2019 года на праспекце Ракасоўскага ў Мінску. Відавочцы ўбачылі каля шматпавярховіка цела пяцімесячнага хлопчыка. Следчыя ўстанавілі, што смерць малога носіць крымінальны характар. На целе дзіцяці меліся шматлікія цялесныя пашкоджанні, а вакол шыі была пятля ў выглядзе рамня.
Калі падазраванага ўсё ж знайшлі, мужчына падчас допыту распавёў, што спалохаўся адказнасці. Віну ў здзяйсненні злачынства ён прызнаў, хоць і на першапачатковым этапе хаваў сваё дачыненне.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца4
Каментары