У Мінску пачалася мадэрнізацыя незвычайнага аб'екта: абсерваторыі Планетарыя ў парку Горкага
Будаўнікі трэста № 35 прыступілі да мадэрнізацыі абсерваторыі Мінскага планетарыя ў парку Горкага. На ўсё ім даецца тры месяцы.
Рамонт адбудзецца ў будынку 1967 года пабудовы, цыліндрычнай формы, у вышыню па купале 12 м, у дыяметры — 5,5 м. На верхні ўзровень, дзе размешчаны ўнікальны тэлескоп Carl Zeiss 1950/130, вядзе вінтавая лесвіца.
На пачатковым этапе дэмантуецца ўсё састарэлае. Далей змантуюць новыя вітражныя сістэмы, пракладуць сеткі электразабеспячэння, выканаюць аздабленне і добраўпарадкаванне.
У будынка з'явіцца новы купал з вярчэннем на 360 градусаў са спецыяльнымі створкамі. Кожная калона будзе з падсветкай.
На час рамонту тэлескоп пераехаў, засталася толькі станіна ад яго. Але праз тры месяцы (столькі будаўнікам адведзена на мадэрнізацыю будынка) аптычная сістэма вернецца на сваё месца для таго, каб усе ахвотныя маглі ў дзённы і вячэрні час сачыць за жыццём свяціл, паведамляе канал «Мінскбуда».
Цяпер чытаюць
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма3
Лукашэнка пра паветраныя шары з Беларусі: Я размаўляў з лётчыкамі, для самалётаў ніякай праблемы няма
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2323
Каментары