Камуналку для «дармаедаў» пачалі налічваць паводле новых правілаў. Людзі не могуць паверыць лічбам у жыроўках
«Добры дзень. У нас 59 кв, прапісаны 1 чалавек, а сума 369 рублёў. Куды звяртацца?»
Беларусы ў шоку ад цэн за камуналку для тых, хто трапіў у «дармаеды». Жыхарка Полацка, муж якой працуе ў Еўропе, апублікавала ў Threads сваю жыроўку, звярнула ўвагу «Точка».
«Ну што беларусы, расказвайце, каму таксама прыйшлі пацяжэлыя жыроўкі з аплатай па поўным кошце і колькі выставілі вам? Я пачну, 63 кв. м — 349,47».
Другая жанчына адказала ёй: «Добры дзень. У нас 59 кв, прапісаны 1 чалавек, а сума 369 рублёў. Куды звяртацца?»
«Усім прывітанне, мяне завуць Андрэй, і я дармаед, які працуе ў Еўропе. Жыроўка 200+ за амаль 70 кв. м», — напісаў беларус.
У шоку і яшчэ адна аўтарка каментара: «А вось падкажыце, я ў дэкрэце, 20 м², прыйшлі камунальныя 312 р».
Прычым не ўсе разумеюць, з чым звязанае рэзкае павышэнне кошту.
«Мне больш цікава, чаму я, працуючы афіцыйна ў Беларусі, таксама мушу аплаціць гэтую камуналку за свае 50% кватэры, толькі таму, што кватэра запісаная на мужа. Я мужу не нянька і не мамка, ён сам вызначае, як і дзе працаваць і зарабляць».
Рэкорд жа належыць дзяўчыне, якой давядзецца заплаціць больш за 745 рублёў.
У Беларусі з 1 кастрычніка памяняўся парадак разліку платы за жыллёва-камунальныя паслугі для незанятых у эканоміцы грамадзян. Раней памер платы залежаў ад факту рэгістрацыі ўласніка ў кватэры і колькасці жыльцоў.
Напрыклад, калі ў кватэры, якая належыць афіцыйна беспрацоўнаму грамадзяніну, зарэгістраваныя і жывуць трое, то павышаны тарыф ужываўся толькі да часткі плошчы. Новыя правілы скасавалі гэты прынцып.
Цяпер, калі грамадзянін прызнаны не занятым у эканоміцы, на ўсе кватэры, якія яму належаць (незалежна ад іх колькасці), і на ўвесь аб'ём спажывання ў асноўных паслугах налічваецца поўны тарыф.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары
А вот если кто то напишет, о ВКЛ и усомнится об участии населения жившие 300 лет тому назад, что они не белорусы, так налетят как мухи на мед и все как один на белоруском.
А шо им писать о какой то нынешней комуналке, для них сегодняшний белорус ни кто и ни как, вот если 300 - 400 тому назад, это да, важно и актуально.