Паміж дзвюма клеткамі на судзе па справе Аўтуховіча паставілі металічную перагародку
Праз яе абвінавачаныя не бачаць адзін аднаго.
Гродзенскі абласны суд працягвае разгляд «справы Аўтуховіча». Учора ў судзе пачалі дапытваць абвінавачаных. Першым паказанні даў Антон Мельхер, якога абвінавачваюць па «карагоднай справе». Ён цалкам прызнаў сваю віну.
Павел Сава, якому інкрымінуюць два артыкулы Крымінальнага кодэкса, адмовіўся даваць паказанні. У выніку зачыталі паказанні, якія ён даваў падчас следства. Тады ён прызнаўся ва ўчыненым.
Вядома, што ад пачатку суда паміж дзвюма клеткамі, у якіх утрымліваюць 10 абвінавачаных, усталявалі металічную пярэгарадку. Праз гэта абвінавачаныя не бачаць адзін аднаго. У адной сядзяць чатыры чалавекі, а ў другой — шэсць. Акрамя гэтага, пярэбарка раздзяляе святара Сяргея Разановіча з ягоным сынам Паўлам.
Усяго па справе праходзяць 12 чалавек.
Мікалай Аўтуховіч хадайнічаў пра дэмантаж сцен і перагародак у зале суда, але суд адхіліў хадайніцтва, паведамляе «Вясна».
Чытайце таксама:
Дзяржаўныя СМІ: «Аўтуховіча могуць расстраляць». Ці праўда гэта?
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5555
Каментары