Ва ўзросце 45 гадоў памёр журналіст і гукарэжысёр з Беласточчыны Лукаш Сцепанюк. Пра гэта напісаў у сябе ў Фэйсбуку яго калега Яраслаў Іванюк.
Быў… Хаця гэтае слова ажно цяжка пішацца…
Як: «быў»…?
Лукаш Стэпанюк «Стэп» перш за ўсё быў добрым, сціплым чалавекам… Быў прафесіяналам у сваёй працы як гукарэжысёр і як журналіст…
Заўсёды стараўся дапамагчы ў кожнай справе. Памятаю як некалькі гадоў таму запісвалі аўдыякнігу з успамінамі Ларысы Геніюш «Птушкі без гнёздаў». Step (хаця я заўсёды звяртаўся да яго: Лукаш) дзела гэтага аддаў сваю хатнюю студыю, а як аказалася, што на аплату працы не хапае грошай сказаў: «Ярэк, якія грошы? Ты пра што? Зробім. Зробім усё як трэба». Такое, зрэшты, ад яго чуў я не адзін раз: «Для беларускасці зраблю шмат і без грошай». Прычым ніколі тым не хвастаўся, не хваліўся.
Апошнім часам займаўся гукаапрацоукай аўдыякніг. Падрыхтаваў «Сядзібу» Алеся Аркуша, працаваў над «Жэтонам на метро» Андрэя Федарэнкі і «Айчынай» Уладзіміра Арлова, якую рыхтаваў у версіі як аўдыя так і відэа.
Быў сябрам Управы Фонду Kamunikat.org
Лукаш, не час адыходзіць…
Дзякуй Табе за усё… Мы ўсе будзем вельмі сумаваць па Табе…
Бывай, Дружа…
Вечная Памяць…Шчырыя спачуванні блізкім і родным…» — напісаў Яраслаў Іванюк.
***
Лукаш Сцепанюк быў звязаны з «Беларускім Радыё Рацыя» з самага пачатку яго існавання. Быў аўтарам музычных перадач на хвалях радыё — «Сусветны хіт», «Шчаслівая трынаццатка». Вядомы нашым слухачам, як Dj Zona.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?5
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары