Як бачым, тэмп падзення рэзерваў запаволіўся.
Міжнародныя рэзервовыя актывы (золатавалютныя рэзервы) Беларусі, разлічаныя паводле стандартаў МВФ, знізіліся ў жніўні на 140,2 млн даляраў (4,4%) і на 1 верасня склалі 3 млрд. 21,7 млн даляраў ЗША. Аб гэтым сведчаць звесткі Нацыянальнага банка.
У параўнанні з пачаткам года золатавалютныя рэзервы Беларусі знізіліся на 39,4 млн. долараў (1,3%) — з 3 млрд 61,1 млн на 1 студзеня 2009 года.
Пры гэтым варта ўлічваць, што згаданы перыяд з пачатку 2009 года суправаджаўся запазычанасцямі Беларусі на знешніх рынках, а таксама іншымі паступленнямі на суму больш як 3 млрд даляраў ЗША.
За 2008 год золатавалютныя рэзервы Беларусі скараціліся на 1 млрд 121,1 млн даляраў, нягледзячы на паступленне ў лістападзе першага траншу расійскага крэдыту ў памеры 1 млрд даляраў, а ў снежні — крэдыту Венесуэлы ў 500 млн. даляраў. З улікам гэтых сродкаў сукупнае паніжэнне золатавалютных рэзерваў у 2008 годзе склала каля 2 млрд 621,1 млн даляраў.
Як бачым, тэмп падзення рэзерваў запаволіўся. У першым паўгодддзі яны скарачаліся на пагрозлівыя 400 млн даляраў штомесяц.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары