Jak bačym, temp padzieńnia reziervaŭ zapavoliŭsia.
Mižnarodnyja reziervovyja aktyvy (zołatavalutnyja reziervy) Biełarusi, raźličanyja pavodle standartaŭ MVF, źnizilisia ŭ žniŭni na 140,2 młn dalaraŭ (4,4%) i na 1 vieraśnia skłali 3 młrd. 21,7 młn dalaraŭ ZŠA. Ab hetym śviedčać źviestki Nacyjanalnaha banka.
U paraŭnańni z pačatkam hoda zołatavalutnyja reziervy Biełarusi źnizilisia na 39,4 młn. dołaraŭ (1,3%) — z 3 młrd 61,1 młn na 1 studzienia 2009 hoda.
Pry hetym varta ŭličvać, što zhadany pieryjad z pačatku 2009 hoda supravadžaŭsia zapazyčanaściami Biełarusi na źniešnich rynkach, a taksama inšymi pastupleńniami na sumu bolš jak 3 młrd dalaraŭ ZŠA.
Za 2008 hod zołatavalutnyja reziervy Biełarusi skaracilisia na 1 młrd 121,1 młn dalaraŭ, niahledziačy na pastupleńnie ŭ listapadzie pieršaha tranšu rasijskaha kredytu ŭ pamiery 1 młrd dalaraŭ, a ŭ śniežni — kredytu Vieniesueły ŭ 500 młn. dalaraŭ. Z ulikam hetych srodkaŭ sukupnaje panižeńnie zołatavalutnych reziervaŭ u 2008 hodzie skłała kala 2 młrd 621,1 młn dalaraŭ.
Jak bačym, temp padzieńnia reziervaŭ zapavoliŭsia. U pieršym paŭhoddździ jany skaračalisia na pahroźlivyja 400 młn dalaraŭ štomiesiac.
Kamientary