Ціханоўская: У беларускія батальёны ва Украіне падаліся 1500 чалавек
Пра колькасць беларускіх дабраахвотнікаў Святлана Ціханоўская расказала ў інтэрв'ю газеце Corriere della Sera.
Цытаты адтуль прыводзіць Reform.
«Калі пачалася вайна, многія ў Беларусі меркавалі, што мы павінны дапамагчы ўкраінцам, таму быў арганізаваны батальён. У цяперашні час гэта 1,5 тысячы чалавек. На самай справе, ён не адзін: іх некалькі ў розных гарадах, пад наглядам украінскай арміі», — распавяла палітык.
На пытанне пра магчымае папаўненне шэрагаў беларускіх добраахвотнікаў яна адказала сцвярджальна.
«Многія ў Беларусі хочуць дапамагчы Украіне і ў цяперашні час праходзяць навучанне ў іншых краінах. Колькі іх і дзе яны знаходзяцца, мне не дазваляецца казаць. Часта гэта людзі, якія маюць патрэбу ў навучанні, таму што ў іх няма вопыту вайны. Але, напэўна, колькасць беларускіх байцоў на баку Украіны будзе расці», — адзначыла Ціханоўская.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку62
Каментары