Сцяпана Латыпава перавялі ў памяшканне камернага тыпу на пяць месяцаў
Фармальная прычына невядомая, але ПКТ — распаўсюджаны метад ціску на палітвязняў.
Памяшканне камернага тыпу — гэта турэмная камера, у якой утрымліваецца вязень і выходзіць толькі на працу і паўгадзінны шпацыр, асобна ад іншых зняволеных, якія знаходзяцца ў жылой зоне калоніі. Ім забараняецца камунікаваць з тымі, хто знаходзіцца ў ПКТ. Датэрміновы выхад магчымы толькі па стане здароўя.
Таксама ёсць абмежаванні па пасылках і забарона на спатканні і тэлефанаванні.
Як паведамляецца на адмысловай старонцы з навінамі пра Сцяпана Латыпава, захоўваюцца праблемы з ліставаннем: за першыя два тыдні ў ПКТ Сцяпан атрымаў толькі два лісты, адзін з якіх — ад бацькі.
У сваім лісце бацьку Сцяпан шкадуе, што правядзе лета ў камеры: ён не паспеў нарадвацца кветкам увесну. Прасіў пісаць часцей.
Сябры Сцяпана просяць усіх, хто пісаў яму ў калонію, пазначыць у адмысловай форме свае пасланні. Пасля іх агульную колькасць яны паведамяць Сцяпану, каб ён ведаў, што яму пішуць нашмат болей, чым яму перадаюць. Форма даступная па спасылцы.
Палітвязня Сцяпана Латыпава ў жніўні 2021 года асудзілі на 8,5 года калоніі ўзмоцненага рэжыму.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары