Еўрасаюз замарозіў крэдытны план на 16 мільярдаў еўра для Венгрыі за тое, што тая замарозіла 90 мільярдаў для Украіны
Еўрапейскі Саюз прыпыніў зацвярджэнне крэдытнага плана для Венгрыі па абароннай праграме SAFE на больш як 16 мільярдаў еўра з-за таго, што Будапешт блакуе выдзяленне 90 мільярдаў еўра дапамогі Украіне. Пра гэта паведамляе польскае выданне rmf24.pl са спасылкай на крыніцу сярод еўрапейскіх дыпламатаў;
Афіцыйна ў Еўракамісіі кажуць, што разгляд яшчэ працягваецца, але, паводле неафіцыйных звестак, прычына ў пазіцыі прэм’ера Венгрыі Віктара Орбана. Яму ставяць у віну тое, што ён перашкаджае падтрымцы краіны, якая вядзе вайну з Расіяй.
Паведамляецца, што рашэнне адкласці венгерскую заяўку разглядалася яшчэ раней, але канчаткова на яго паўплывала пазіцыя Орбана на саміце ЕС 19 сакавіка, дзе ён зноў пацвердзіў вета на дапамогу Украіне.
Акрамя гэтага, у Бруселя ёсць і іншыя прэтэнзіі да Венгрыі: супраціў новым санкцыям супраць Расіі, праблемы з празрыстасцю тэндэраў і недастатковая барацьба з карупцыяй.
Крэдыт для Украіны быў узгоднены яшчэ ў снежні 2025 года, але пасля Венгрыя заблакавала працэдурныя рашэнні. У Будапешце тлумачаць гэта спыненнем транзіту расійскай нафты праз Украіну.
Орбан заяўляе, што не зменіць сваю пазіцыю, пакуль пастаўкі не будуць адноўленыя. Акрамя таго, Венгрыя пагражае блакаваць іншыя рашэнні, звязаныя з падтрымкай Украіны і яе збліжэннем з ЕС.
Праўда, на 12 красавіка ў Венгрыі прызначаныя парламенцкія выбары, на якіх упершыню за 16 гадоў партыя «Фідэс», якая цяпер знаходзіцца пры ўладзе, мае ўсе шанцы прайграць.
«Сапраўдны сябра і баец». Трамп падтрымаў Орбана перад выбарамі ў Венгрыі
ЕС адхіліў Венгрыю ад унутраных перамоў і сакрэтнай інфармацыі з-за боязі ўцечак у Расію
Лідары ЕС не змаглі пераканаць Венгрыю разблакаваць крэдыт Украіне на 90 млрд еўра
Орбан назваў дзве прычыны, чаму Венгрыя не выходзіць з ЕС
«Я дзякую Богу, што краіна, з якой вы ваюеце, сёння не вораг Венгрыі». Орбан адказаў Віктару Юшчанку на ягоны адкрыты ліст
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары
И 12 апреля принять свое правильное решение.