1 красавіка на сайце «Мінск-навіны» з'явілася навіна са спасылкай на прэс-службу Нацыянальнага банка пра тое, што ў Беларусі з'явіцца нацыянальная крыптавалюта «зубр». Натуральна, гэта быў першакрасавіцкі жарт. Аднак ён не спадабаўся Нацбанку.
«Жарт, вядома, «ўдаўся». У Нацыянальны банк нават пачалі паступаць званкі грамадзян, якія жадалі набыць «зубра». Вось толькі да рэальнасці гэтая «навіна» не мае ні найменшага дачынення. Нацыянальны банк не планаваў і не плануе выпуск сваёй крыптавалюты. Калі б такія планы былі, мы абавязкова паведамілі б пра іх на афіцыйным сайце Нацыянальнага банка nbrb.by і, вядома ж, у нашым тэлеграм-канале», — паведамілі ў галоўнай фінансавай установе краіны.
«Што тычыцца творчай фантазіі журналістаў, просім калег звярнуць увагу на адзін вельмі важны момант: заўсёды знойдуцца махляры, гатовыя прадаць даверлівым грамадзянам «новую крыптавалюту». Таму заклікаем больш адказна падыходзіць да выбару тэм для першакрасавіцкіх жартаў», — дадалі ў Нацбанку.
Цяпер чытаюць
Малады работнік «Мінск-Арэны» павінен заплаціць 71 мільён даляраў4
Каментары