Брытанская разведка: З 19 чэрвеня армія РФ прасунулася да Лісічанска на 5 км, некаторыя ўкраінскія часці адступілі
У ранішняй зводцы брытанскай разведкі пра падзеі на фронце паведамляецца, што з 19 чэрвеня расійскія войскі, па ўсёй верагоднасці, прасунуліся больш чым на пяць кіламетраў у напрамку Лісічанска, апошняга буйнога горада Луганскай вобласці, які застаецца пад кантролем Украіны.
«Некаторыя ўкраінскія падраздзяленні адступілі, верагодна, каб пазбегнуць акружэння, — паведамляе брытанская разведка. — Палепшаныя пазіцыі Расіі ў гэтым сектары, імаверна, сталі вынікам нядаўняга падмацавання і высокай канцэнтрацыі агню».
Паводле ацэнак брытанскіх вайскоўцаў, армія РФ «аказвае на «кішэню» Лісічанск — Севераданецк усё большы ціск, развіваючы паступовы наступ вакол ускраін забудаванага раёна».
«Аднак яе спробы стварыць больш маштабнае акружэнне, каб захапіць захад Данецкай вобласці застаюцца няўдалымі», — сказана ў зводцы.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары