Борыс Джонсан і Эмануэль Макрон. Фота: EPA
Джонсан правёў сустрэчу з Макронам сёння, 26 чэрвеня, на саміце G7 у Нямеччыне. Яны абмяркоўвалі, у прыватнасці, вайну Расіі супраць Украіны.
Джонсан падкрэсліў, што любая спроба ўрэгуляваць канфлікт цяпер прывядзе толькі да працяглай нестабільнасці і дасць расійскаму дыктатару Уладзіміру Пуціну «ліцэнзію на маніпуляванне як суверэннымі дзяржавамі, так і міжнароднымі рынкамі назаўжды».
Лідары Брытаніі і Францыі сышліся ў меркаванні, што цяпер адбываецца крытычны момант канфлікту і ёсць магчымасць пераламаць ход вайны. Джонсан і Макрон падкрэслілі неабходнасць падтрымліваць Украіну, каб умацаваць яе пазіцыі як у вайне, так і ў любых будучых перамовах.
