Як паведамляе Генеральны штаб Узброеных сіл Украіны, украінскіх вайскоўцам удалося паразіць аўтамабільны мост у раёне акупаванага Азоўскага ў Запарожскай вобласці і чыгуначны мост у населеным пункце Ічкі ў анексаваным Крыме.
Украінскі бок сцвярджае, што гэтыя аб’екты выкарыстоўваліся расійскімі войскамі для перакідання асабовага складу, узбраення і боепрыпасаў. Вынікі ўдараў пакуль удакладняюцца.
Акрамя гэтых мастоў, таксама паведамляецца пра атакі на пункты кіравання беспілотнікамі ў розных рэгіёнах, уключаючы Белгарадскую, Данецкую і Запарожскую вобласці, а таксама камандна-назіральны пункт у раёне Старамлынаўкі ў Валнавахскім раёне Данецкай вобласці.
Асобна Генштаб паведаміў пра вынікі ўдару па нафтаперапрацоўчым заводзе ў Славянску-на-Кубані Краснадарскага краю, дзе, паводле іх даных, былі знішчаныя і пашкоджаныя рэзервуары для нафты і ўстаноўка перапрацоўкі.
Раней украінскія вайскоўцы ўжо паведамлялі пра паражэнне іншых мастоў у Данбасе і Луганскай вобласці ў рамках дзеянняў, накіраваных на парушэнне ваеннай лагістыкі расійскіх сіл.
Каментары
Слава ЗСУ 👍💪