Чыгуначніку з Оршы за абразу Лукашэнкі далі паўтара года калоніі
Суд Оршы і Аршанскага раёна 4 ліпеня вынес прысуд мясцоваму жыхару Аляксею Чэкелю, якога абвінавацілі ў абразе Лукашэнкі (ч. 1 арт. 368 Крымінальнага кодэкса).
Справу разглядала суддзя Юлія Вяршыніна, паведамляе «Вясна».
Пра Чэкеля вядома, што да затрымання ён працаваў на чыгунцы, з месца працы ў суд прадстаўленая станоўчая характарыстыка.
Паводле матэрыялаў абвінавачання, Аляксей Чэкель пакінуў два абразлівыя каментарыі пад пастамі пра Аляксандра Лукашэнку ў групах «Вікінг» і «Мая краіна Беларусь».
Суд палічыў змякчальнымі абставінамі наяўнасць у абвінавачанага на выхаванні непаўналетняга сына.
Суддзя Вяршыніна прызнала віну Чэкеля даказанай і прысудзіла яму пазбаўленне волі ў калоніі агульнага рэжыму тэрмінам на паўтара года.
Каментары