Хлопчык скраў Iphone і разбіў яго аб сцяну — вельмі хацеў трапіць у трэнды Тыктока
Нетыповае здарэнне адбылося ў Краснапольскім раёне Магілёўскай вобласці, піша «Магілёў Анлайн».
Нядаўна ў TikTok з'явіўся відэаролік, на якім дзіця разбівае аб цагляную сцяну Apple Iphone XS MAX.
Ролік убачыў уладальнік мабільнага тэлефона — жыхар Краснаполля, які і звярнуўся ў міліцыю.
Аказалася, што відэаролік, з надзеяй трапіць у трэнды Тыктока, зняў і выклаў хлопчык, які жыў па суседстве і часта прыходзіў гуляць у двор дома, дзе жыве ўладальнік тэлефона. Падгадаўшы момант, хлопчык незаўважна сцягнуў чужы гаджэт.
За дзеянні сына давядзецца адказаць бацькам. У дачыненні да законнага прадстаўніка хлопчыка склалі пратакол аб адміністрацыйным правапарушэнні па ч. 1 арт. 10.3 КаАП (невыкананне абавязкаў па выхаванні дзіцяці). Бацькам прыйдзецца кампенсаваць шкоду пацярпеламу.
Каментары