Ціханоўская і Барэль абмеркавалі дапамогу беларусам і прыцягненне Лукашэнкі да адказнасці
Святлана Ціханоўская і вярхоўны прадстаўнік Еўрасаюза па знешніх справах і палітыцы бяспекі Жазэп Барэль сёння пагаварылі па тэлефоне.
«У гутарцы з лідаркай беларускай апазіцыі Святланай Ціханоўскай я пацвердзіў непахісную падтрымку Еўрасаюзам барацьбы беларускага народа за ўласную будучыню і суверэнітэт Беларусі, які знаходзіцца пад пагрозай з прычыны саўдзелу Лукашэнкі ў вайне Расіі супраць Украіны», — напісаў Барэль у Твітары.
Паводле інфармацыі Офіса Ціханоўскай, ён запэўніў яе ў поўнай падтрымцы з боку ЭС у барацьбе Беларусі за свабоду і суверэнітэт. Бакі абмеркавалі далейшыя санкцыі і прыцягненне Аляксандра Лукашэнкі да адказнасці за саўдзел у вайне і рэпрэсіі. Таксама падчас размовы ішла гаворка пра падтрымку беларусаў, якія ўцяклі ад пераследу.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары