На месцы бара «Каліноўскі» адкрыўся новы — з рускамоўнай назвай
Пасля інспекцыі на Зыбіцкую прапагандыстаў і актывістаў БРСМ бар «Каліноўскі» так і не адчыніўся. Цяпер на яго месцы новая ўстанова — «Сумерки».
«Нармалізаваны» бар адкрыўся ўчора.
«Вечарынкі і аўтарскія напоі кожны дзень», — рэкламуюць яны сябе ў Інстаграме.
У меню — розныя віды алкаголю і кактэйлі без намёку на беларускасць у назве: «Нас не дагоняць», «Кукла калдуна», «Наша лета».
Да новага бара перайшло не толькі памяшканне, але і акаўнт у Інстаграме.
Цкаванне «Каліноўскага» пачалося ў канцы мая. Калі аднаго з наведвальнікаў, азербайджанца Нурлана Сафараліева, не пусцілі ўнутр, ён паскардзіўся ў сацсетках, што прычынай нібыта стала яго нацыянальнасць. Абставіны здарэння невядомыя, але бар імгненна трапіў у няміласць да лукашыстаў. Да ўпаўнаважанага па справах рэлігій і нацыянальнасцяў адправілі ліст з БРСМ з просьбай закрыць бар.
Прыхільнікі ўлады падчас рэйду прапаноўвалі пераназваць бар у «Бацькаў кут».
Каментары