У забойстве абвінавачваюцца два чалавекі. Акрамя таго, яшчэ адзін мужчына будзе несці адказнасць за тое, што дапамог галоўнаму падазраванаму збегчы з горада.
Пацярпелымі па гэтай справе праходзяць пяць чалавек, паведамляе rmf24.pl
Паведамляецца, што ў бойцы, акрамя беларуса, удзельнічалі двое мужчын — 40 і 59 гадоў. 40-гадовага абвінавачваюць ва ўдзеле ў збіцці, а 59-гадовага — у збіцці, якое прывяло да смерці. У мінулым ён прафесійны баксёр, прычым збіраўся збегчы з горада, у чым яму дапамог 27-гадовы знаёмы, аднак праз некаторы час мужчына ўсё ж быў затрыманы супрацоўнікамі паліцыі.
59-гадовы нападнік затрыманы, у дачыненні да 40-гадовага пракурор ужыў меру стрымання ў выглядзе паліцэйскага нагляду і паручальніцтва, у дачыненні да 27-гадовага абвінавачанага — толькі паліцэйскі нагляд. Ім забаронена набліжацца да пацярпелых і сведак.
Забойства адбылося 22 ліпеня, каля 3 гадзін ночы мінакі знайшлі цела 29-гадовага беларуса без прыкмет жыцця на вуліцы Святога Яна ў цэнтры Кракава. Загінулы жыў і працаваў у Польшчы апошнія некалькі гадоў. Прычына нападу пакуль невядомая.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна7
Каментары